سەرۆکی ئەنجومەنی نوێنەران پێشوازی لە وەزیری دەرەوە و کۆمنۆڵس و گەشەپێدانی بەریتانیا دەکات

محەمەد حەلبوسی سەرۆکی ئەنجومەنی نوێنەران، ئەمرۆ سێشەممە پێشوازی کرد لە بەرێز دۆمینیک راب وەزیری دەرەوە و کۆمنۆڵس و گەشەپێدانی بەریتانیا.
لە دیدارەکەدا تاوتوێی گەشەپێدانی پەیوەندی دۆستانە و پتەوکردنی هاریکاری ستراتیجی کرا لە بوارەکانی ئاسایش و ئابوری و وەبەرهێنان لە نێوان هەردوو وڵات و پشتیوانی نێودەوڵەتی بۆ هەڵبژاردن و دۆخی ئیقلیمی و وڵاتانی چواردەوری عێراق.
لە دیدارەکەدا تەئکید کرایەوە لەسەر گرنکی هەڵبژاردنی پێشوەختەی داهاتوو لەگەڵ گرنگی رەخساندنی کەشێکی لەبار بۆی و پاراستنی ئەمن و ئاسایشی هەڵبژاردنەکە بۆ ئەوانەی خۆیان کاندید کردووە و دەنگدەرانیش لەگەڵ گرنگی رۆڵی چاودێری نێودەوڵەتی و پتەوکردنی متمانەی دەنگدەر بە ئەنجامی هەڵبژاردنەکە.
لە بەشێکی تری دیدارەکە باس لە چاکسازی ئابوری و ئاسانکاری بۆ وەبەرهێنان کرا لە عێراق بەو شێوەیەی دەرفەتی کار برەخسێنێ بۆ لاوان و دانانی ئاستێک بۆ بێکاری.
گفتوگۆش کرا سەبارەت بە بەردەوامی هاریکاری نێوان هەردوو وڵات لە بوارەکانی ریشەکێش کردنی تیرۆر و لەناوبردنی شانە نستوەکانی تیرۆریستانی داعش و بەرنگاربوونەوەی توندڕەوی پشتیوانی لە هەوڵەکانی سەقامگیری و گەڕانەوەی ئاوارەکان بۆ ناوچەکانیان.
بەرێزیان تەئکیدی کردەوە لەسەر گرنگی هەوڵی زیاتر لەلایەن کۆمەڵگەی نێودەوڵەتی بۆ پشتیوانی لە عێراق بەمەبەستی بەدیهێنانی سەقامگیری داواشی لە کۆمپانیا بەریتانییەکان کرد وەبەرهێنان لە عێراقدا بکەن ئاسۆی هاریکاری ئابوری فراوان بکەن.
لای خۆیەوە وەزیری دەرەوەی بەریتانیا پابەند بوونی وڵاتەکەی نیشاندا بۆ پشتیوانی لە حکومەت و گەلی عێراق هاریکاری لەسەرجەم بوارەکان لە پێناو بەدیهێنانی گەشەپێدان و سەقامگیری.

=======
نوسینگەی ڕاگەیاندنی
سەرۆکی ئەنجومەنی نوێنەران
8 حوزەیران 2021